Moskvada Ilya Varlamovga qarshi jinoiy ish ochildi.

Moskva prokuraturasi, bloger Ilya Varlamovga nisbatan 330.1-moddaning 2-qismi bo'yicha jinoiy ish ochish uchun tergov organlariga murojaat qildi. Bu haqda idora 27 sentyabrda ma'lum qildi.

Prokuratura ma'lumotlariga ko'ra, Varlamov ikki marta "inoagent" faoliyatini buzganligi uchun ma'muriy javobgarlikka tortilgan, ammo o'z maqomi haqida majburiy belgi qo'yilmagan holda ijtimoiy tarmoqlarda xabarlar tarqatishda davom etgan.

2022 yildan beri Rossiyada yashamayotgan Ilya Varlamov prokuraturaning harakatlariga hozircha izoh bermagan. Eslatib o'tamiz, 2023 yil martda RF Adliya vazirligi blogerni "inoagentlar" ro'yxatiga kiritib, uni "noaniq ma'lumot" tarqatishda va xorijdan moliyalashtirishda ayblagan.

Xuddi shunday qonunbuzarliklar uchun boshqa mashhur shaxslar — qo'shiqchi Monetochka va reper Morgenstern ustidan jinoiy ishlar ochilgan edi.

Oldinroq, o'zining Telegram-kanalida u Toshkentda hayotni qanday tasavvur qilayotganini yozgan va Toshkentga ko'chib o'tishni xohlayotganini bildirgan.

Uning so'zlariga ko'ra, u madaniyatshunoslikda o'qiydi, Toshkentning arxitekturasi va tarixini o'rganadi, mahallalarda vaqt o'tkazadi, mahalliy bozorlarni va tarixiy yodgorliklarni ziyorat qiladi. Varlamov shuningdek, shahar arxitektura merosini saqlashga qiziqishini bildirgan va tarixiy binolar va qadimiy chayxonalarning himoyasi bo'yicha loyihalarni qo'llab-quvvatlashni rejalashtirmoqda.

Bloger Toshkentning madaniyati va atmosferasidan hayratda ekanligini, ayniqsa, mahalliy an'analar, taomlar va mehmondo'stlikni ta'kidlagan. "Toshkent, kut!", — deb yozgan u xabarining oxirida.

UPD: Ilya Varlamovga 330-moddaning 2-qismi bo'yicha ish ochildi.