Chevrolet Cobalt 2024 yilda Qozog'istonda eng mashhur avtomobil bo'ldi.

Qozog‘istondagi eng mashhur avtomobil brendlarining o‘nligida ikkinchi yil ketma-ket liderlikni Hyundai egallamoqda, uning bozor ulushi 21,6% ni tashkil etadi. O‘tgan o‘n ikki oy davomida mamlakatda ushbu brenddan 44 218 avtomobil sotilgan bo‘lib, ularning katta qismi Almatidagi zavodda ishlab chiqarilgan. Biroq, 2023 yilga nisbatan savdolar 5,4% ga kamaygan.

Ikkinchi o‘rinda Kostanayda ishlab chiqarilayotgan Chevrolet turadi. 2024 yilda qozog‘istonliklar ushbu brenddan 30 927 avtomobil sotib olishdi, bu esa o‘tgan yilga nisbatan 32,5% ga kamdir.

Uchinchi o‘rinni Kia egalladi, u 23 045 avtomobil sotdi, bu esa 2023 yilga nisbatan 9,6% ga kamaygan.

To‘rtinchi o‘rinda Xitoy brendi Chery joylashgan bo‘lib, u savdolarni 21,7% ga oshirib, 14 883 dona sotdi.

Birinchi beshtalikni Jac tugatadi, uning ishlab chiqarilishi ham Kostanayda yo‘lga qo‘yilgan. Yil yakunlariga ko‘ra, brend yettinchi o‘rindan beshinchi o‘ringa ko‘tarilib, 11 771 avtomobil sotdi (+56,7%).

Oltinchi o‘rinda Toyota joylashgan, uning savdosi 11 045 dona (+2,7%) ni tashkil etdi.

Yettinchi o‘rinda 10 983 avtomobil sotgan Haval turadi, bu esa o‘tgan yilga nisbatan 45,3% ga ko‘paygan.

Sakkinchi, to‘qqizinchi va o‘ninchi o‘rinlarda eng muvaffaqiyatli brendlar sifatida Jetour (9 507 dona, +141,9%), Changan (8 510 dona, +39,8%) va Geely (8 252 dona, +126,5%) joylashgan.

2024 yilning eng mashhur modellari haqida gapiradigan bo‘lsak, Chevrolet Cobalt an'anaviy ravishda 26 537 sotilgan avtomobil bilan liderlikni saqlab qolmoqda.

Ikkinchi o‘rinda Hyundai Tucson (22 389 dona), uchinchi o‘rinda esa Kia Sportage (8 834 dona) turadi.

Eng ko‘p sotilgan modellarning o‘nligiga quyidagilar ham kiradi: Hyundai Elantra (6 520 dona), Chery Tiggo 2 (5 310 dona), Haval M6 (5 185 dona), Chery Tiggo 7 Pro (4 907 dona), Jac J7 (4 585 dona), Hyundai Santa Fe (4 423 dona) va Kia Sorento (4 208 dona).