Mirziyoyev mustaqil davlatlar hamdo'stligi rahbarlarining norasmiy uchrashuvida ishtirok etdi.

Tadbirda Rossiya prezidenti Vladimir Putin, Belarus prezidenti Aleksandr Lukashenko, Qozog‘iston prezidenti Qosim-Jomart Toqaev, Qirg‘iziston prezidenti Sadyr Japarov, Tojikiston prezidenti Emomali Rahmon va Turkmaniston prezidenti Serdar Berdimuhamedov ham ishtirok etdilar.

Uchrashuvda 2024 yil uchun birgalikdagi ishlar natijalari ko‘rib chiqildi va kelgusi yil uchun ko‘p tomonlama hamkorlikning ustuvor vazifalari muhokama qilindi. Ichki mintaqaviy savdo va hamkorlikni kengaytirish bo‘yicha qo‘shma chora-tadbirlarni ishlab chiqishga alohida e’tibor qaratildi, xususan, o‘zaro savdodagi to‘siqlarni bartaraf etish hisobiga.

Davlat rahbarlari yangi yo‘nalishlarda ko‘p qirrali hamkorlikni rivojlantirish istiqbollari haqida fikr almashdilar, jumladan, muhandislik maktablarini yaratish, internet texnologiyalarini rivojlantirish, katta ma’lumotlar industriyasini, ijodiy iqtisodni, "yashil" energiyani va tinch atomni rivojlantirish, shuningdek, raqamli yechimlarni joriy etish masalalari muhokama qilindi.

Shuningdek, mintaqaviy va xalqaro kun tartibidagi dolzarb masalalar, umumiy chaqiriqlar va tahdidlarga qarshi kurashda MDH doirasida amaliy hamkorlikni kengaytirish masalalari muhokama qilindi.