"CalCity Industrial Park" kompaniyasining vakillari "O‘zsanoatqurilishmateriallari" Assotsiatsiyasi a'zolari bilan uchrashdi.

Uchrashuv boshida assotsiatsiya rahbari Bahtiyor Bobokulov O'zbekistonning qurilish sanoatini rivojlantirish istiqbollarini, yirik investitsiya loyihalarini, energiyani tejovchi qurilish materiallarini ishlab chiqarishni, xalqaro aloqalarni va sohadagi tadbirkorlarning faoliyatini taqdim etdi. Uchrashuv davomida hamkor investitsiya loyihalarini amalga oshirish, savdo uylarini va omborlarni ochish, shuningdek, xom ashyo manbalari va geologiya qidiruv ishlari masalalari muhokama qilindi. Mehmonlarga O'zbekistonda kaolin ishlab chiqarish va boyitish bo'yicha istiqbolli loyihalar taklif etildi.

Amerika delegatsiyasi O'zbekistonning qurilish sohasini yuqori baholadi va eksportni kengaytirish, respublikada investitsiya loyihalarini amalga oshirish, zamonaviy texnologiyalarni joriy etish va tajriba almashish niyatini bildirdi. Shuningdek, yangi turdagi qurilish materiallarini ishlab chiqarish bo'yicha g'oyalar taklif etildi.

Uchrashuv davomida ikkala tomon qiziqtirgan savollarga javob oldi va o'zaro aloqalarni yanada mustahkamlashga kelishib oldi.

Amerika biznesi vakillari shuningdek, Buxoro va Qoraqalpog'iston Respublikalarini ham ziyorat qiladi. Ma'lumot uchun, «CalCity Industrial Park» kompaniyasining asosiy faoliyati kanabis va sanoat konopli o'simliklarini yetishtirish, ularni chuqur qayta ishlash va farmatsevtika, qishloq xo'jaligi, to'qimachilik, mebel va qurilish materiallarini ishlab chiqarish uchun yangi texnologiyalarni joriy etishni o'z ichiga oladi.