O'zbekiston TPPsi va Muslim Trade Forum kelajakda muloqotni davom ettirish bo'yicha kelishuvga erishdilar.

Uchrashuv davomida iqtisodiy, huquqiy va investitsion hamkorlik masalalari muhokama qilindi. Britaniya tarafiga O'zbekistonning biznes muhiti, mavjud imtiyozlar va xorijiy investorlar uchun imkoniyatlar haqida ma'lumot taqdim etildi.

Sir Iqbal Sakrani O'zbekistonda olib borilayotgan islohotlarni yuqori baholadi, iqtisodiyotni liberallashtirish, tadbirkorlikni qo'llab-quvvatlash va mamlakatning investitsion jozibasini oshirish bo'yicha chora-tadbirlarning ahamiyatini ta'kidladi.

Muzokaralar hamkorlikning istiqbolli yo'nalishlarini, jumladan, halal mahsulotlarini ishlab chiqarish va eksport qilish, turizm aloqalarini rivojlantirish, huquqiy va moliyaviy infratuzilmani takomillashtirish, ikki tomonlama savdoni oshirish va qo'shma korxonalar tashkil etishni o'z ichiga oldi.

Uchrashuv natijalariga ko'ra, tomonlar muloqotni davom ettirishga va Britaniya biznes doiralari uchun O'zbekistonga tashrifni tashkil etishga kelishib oldilar, bu esa hamkorlik aloqalarini yanada mustahkamlashga yordam beradi.