O'zbekiston va Isroil agrar hamkorlik istiqbollarini muhokama qildi.

O'zbekiston Qishloq xo'jaligi vaziri Isroil hamkorlariga mamlakatdagi joriy islohotlarni taqdim etdi va potentsial hamkorlikning asosiy yo'nalishlarini belgilab o'tdi.

Suҳbat davomida cheklangan suv resurslari va qiyin iqlim sharoitlarida ilg'or texnologiyalarni joriy etish bo'yicha Isroil tajribasiga alohida e'tibor qaratildi.

Elchi Lustig Gideon o'z mamlakatining tabiiy resurslardan samarali foydalanish, qishloq xo'jaligi tadbirkorligini rivojlantirish va qishloq aholisining turmush sharoitlarini yaxshilash borasidagi yutuqlari haqida so'zlab berdi va bu sohalarda O'zbekiston bilan o'zaro aloqalarni chuqurlashtirishning ahamiyatini ta'kidladi.

Uchrashuv natijasida tomonlar qishloq xo'jaligida innovatsion yechimlarni joriy etish, iqlim o'zgarishiga moslashish bo'yicha qo'shma tashabbuslar, ikki mamlakat agrar oliy o'quv yurtlari o'rtasida hamkorlikni mustahkamlash, shuningdek, MASHAV dasturi doirasida o'zbek mutaxassislari uchun o'quv seminarlarini tashkil etish bo'yicha kelishib oldilar.