Raqamli rivojlanish vaziri Sherzod Shermatov Uzbekistan Connect dasturining ishga tushirilishini e'lon qildi. Ushbu dastur mahalliy texnologiya sektorini xorijda ilgari surishga qaratilgan.
Dastur amalga oshirilishida xorijda ishlayotgan O'zbekistonlik IT mutaxassislari va tadbirkorlar, shuningdek, xorijiy hamkorlar jalb etiladi. Dasturining asosiy maqsadi respublikaning «raqamli iqtisodiyotdagi yetakchi o'yinchi» sifatida pozitsiyasini mustahkamlashdir.
Dastur ishtirokchilari «texnologik elchilar» (Tech Ambassadors) maqomini oladilar. Ularning asosiy vazifalari quyidagilarni o'z ichiga oladi:
- mahalliy bozorga investitsiyalar va global IT kompaniyalarini jalb qilish;
- startaplarni qo'llab-quvvatlash, ularning xorijda kengayishiga yordam berish, ularga mentorluk qilish;
- O'zbekistonning IT sohasiga xalqaro imidj yaratish, uning imkoniyatlarini namoyish etish.
«Texnologik elchilar» o'z tashabbuslarini amalga oshirish uchun har yili $10 minggacha mablag' olishadi. Bundan tashqari, yiliga ikki marta ular davlat hisobidan O'zbekistonga «strategik uchrashuvlar» o'tkazish uchun borishlari mumkin.
Har oy elchilar IT sohasidagi qaror qabul qiluvchi shaxslar bilan onlayn yig'ilishlarda ishtirok etishlari mumkin. Shuningdek, ular texnologiya sohasining yetakchi vakillari, investorlar va asosiy amaldorlar bilan to'g'ridan-to'g'ri aloqaga ega bo'lishadi.
Aprel oyida birinchi uchrashuv uchun Shermatov va IT Park rahbariyati bilan O'zbekistonga tashrif buyuradigan tanlangan elchilar ro'yxati e'lon qilinishi rejalashtirilgan. O'rinlar cheklangan.
Dasturda ishtirok etishni xohlaganlar havola bo'yicha anketani to'ldirishlari mumkin.
Avvalroq Spot IT Parkning Yaponiyada vakolatxona ochishga tayyorgarlik ko'rayotganini yozgan edi.