Davlat bolalar bog'chalarida "Yagona mavsumiy menyu" joriy etiladi.

Qabul qilingan qaror hukumatning «Davlat bolalar bog‘chalarida sog‘lom ovqatlanish tartibini takomillashtirish chora-tadbirlari to‘g‘risida»gi qaroridir.

Qarorga ko‘ra, quyidagi chora-tadbirlar amalga oshiriladi:

• davlat bolalar bog‘chalarida ovqatlanish tizimini bosqichma-bosqich aoutsorsingga o‘tkazish;
• «Yagona mavsumiy menyu»ni joriy etish va «Bolalar bog‘chasi» ma’lumotlar boshqaruv tizimida ovqatlanish xarajatlarini hisobga olish modullarini yaratish;
• davlat bolalar bog‘chalarida «Yagona mavsumiy menyu» asosida ovqatlanishni tashkil etish va respublika mintaqalari bo‘yicha har bir tarbiyalanuvchi uchun kunlik ovqatlanish xarajatlarini belgilash.

Bundan tashqari, ta’lim sohasida ovqatlanishni tashkil etish va nazorat qilish markazi tashkil etiladi.

Markaz faoliyatining asosiy yo‘nalishlaridan biri davlat bolalar bog‘chalarida va umumta’lim muassasalarida sog‘lom ovqatlanishni tashkil etish hamda jarayonlarni bosqichma-bosqich raqamlashtirishdir.

Qaror bilan «Davlat bolalar bog‘chalarida aoutsorsing asosida sog‘lom ovqatlanishni tashkil etish tartibi» to‘g‘risidagi nizom tasdiqlandi.

Davlat bolalar bog‘chalarida tarbiyalanuvchilar uchun sog‘lom, xavfsiz va sifatli ovqatlanishni ta’minlash maqsadida 2025 yil 1 iyulga qadar «Yagona mavsumiy menyu» joriy etiladi.

2025 yil 1 iyulgacha sog‘lom ovqatlanish tashkil etilgan bolalar bog‘chalarida tadbirkorlar bilan belgilangan tartibda shartnomalar tuziladi va aoutsorsing asosida ovqatlanish tizimi yo‘lga qo‘yiladi.