Loyihada O'zbekistonning Kanadadagi Bosh konsulxonasini ochish va Kanada, Braziliya va Kuba bilan siyosiy maslahatlar tashkil etish ko'zda tutilgan. Shuningdek, ushbu mamlakatlardan kompaniyalarni O'zbekistonda qo'shma iqtisodiy loyihalarni amalga oshirishga jalb qilish rejalashtirilmoqda.
Sog'liqni saqlash va farmatsevtika sohasida O'zbekiston Kuba bilan hamkorlikni kengaytirishni maqsad qilmoqda. Bundan tashqari, loyiha doirasida Lotin Amerikasi mamlakatlarining agrar sohasini faol rivojlantirayotgan davlat organlari bilan tajriba almashishni tashkil etish rejalashtirilgan.