O'zbekiston urushda jabrlangan bolalar va ayollarni bepul davolashga tayyor - Shavkat Mirziyoyev.

O'zbekiston prezidenti o'z chiqishida yana bir bor ta'kidlaganidek, qadimiy va boy tarixga ega falastin xalqining mustaqil va erkin davlat tashkil etish huquqi to'liq mavjud bo'lib, uning poytaxti Sharqiy Quddus 1967 yilgi chegaralar doirasida joylashishi kerak.

U, shuningdek, harbiy harakatlarni darhol to'xtatish, xavfsiz gumanitar koridorlarni ta'minlash va tinchlik muzokaralarini boshlash masalalari Birlashgan Millatlar Tashkiloti va Xavfsizlik Kengashining doimiy e'tiborida bo'lishi kerakligini ta'kidladi.

Falastin va Livan hududida gumanitar inqirozni oldini olish maqsadida Mirziyoyev yetakchi davlatlar va xalqaro tashkilotlar tomonidan yordam ko'rsatishni kengaytirishni taklif etdi.

U kelasi yili Samarqandda bo'lib o'tadigan "Arab davlatlari Fors ko'rfazi – Markaziy Osiyo" sammitida Falastin xalqiga amaliy yordam ko'rsatish masalalarini muhokama qilish niyatida ekanligini bildirdi.

Davlatimiz rahbari muqaddas Al-Aqsa masjidining daxlsizligi va boshqa noyob tarixiy-madaniy yodgorliklarning saqlanishini ta'minlash masalalariga alohida e'tibor qaratdi.

Saudiya tomoni raisligida o'tkazilgan arab-islam sammitida yaqin Sharq, Markaziy va Janubiy Osiyo, shuningdek, Afrika qit'asining yetakchi davlat va hukumat rahbarlari ishtirok etishdi. Ular G'azo sektori va Livandagi vaziyatni deeskalatsiya qilish va mavjud vaziyatni tezlik bilan siyosiy hal etish bo'yicha xalqaro hamjamiyatning kuchlarini birlashtirish masalalarini ko'rib chiqdilar.

Uchrashuv yakunida tomonlarning konfliktni siyosiy-diplomatik yechimini tezlik bilan izlashga sodiqligini tasdiqlovchi qo'shma rezolyutsiya qabul qilindi.