Tramp infrastrukturani rivojlantirish uchun $500 milliard byudjetga ega kompaniya tashkil etilganini e'lon qildi.

2023-yil 21-yanvar, seshanba kuni, Amerika Qo'shma Shtatlari prezidenti Donald Tramp yangi kompaniya tashkil etilishi haqida e'lon qildi, bu kompaniya sun'iy intellektni rivojlantirish bilan shug'ullanadi. Unga uchta yirik o'yinchi kiradi: amerikalik ishlab chiqaruvchi OpenAI, yapon konqlomerati SoftBank va amerikalik dasturiy ta'minot ishlab chiqaruvchi Oracle.

Loiyha "Stargate" (o'zbekchasi "Yulduzlar darvozasi" — tahririyat izohi) deb nomlandi. Uning byudjeti 500 milliard dollarni tashkil etadi. Loyihaning maqsadi yangi avlod sun'iy intellektini rivojlantirish uchun jismoniy va virtual infratuzilma yaratishdir. Xususan, kompaniya mamlakat bo'ylab ma'lumot markazlarini qurishni rejalashtirmoqda.

«Stargate tezda kelgusi avlod sun'iy intellekt yutuqlarini qo'llab-quvvatlash uchun jismoniy va virtual infratuzilmani yaratishni boshlaydi. Bu ulkan ma'lumot markazlarini qurishni o'z ichiga oladi», — dedi Tramp.

Uchta kompaniyaning har biri 100 milliard dollar miqdorida boshlang'ich sarmoya kiritadi. Kelgusi yillarda loyiha bo'yicha umumiy investitsiyalar miqdori 500 milliard dollarga yetishi kutilmoqda.

«Ushbu ulkan loyiha yangi prezident boshchiligida Amerikaga bo'lgan ishonchni kuchli tasdiqlovchi dalildir», — dedi Tramp.

Prezidentning so'zlariga ko'ra, loyiha AQSHda 100 mingdan ortiq ish o'rinlarini yaratadi.

Oq uyda o'tkazilgan tadbirda uchta kompaniya rahbarlari ishtirok etdilar.

Oracle rahbari Larry Ellison aytishicha, Texas shtatida birinchi ma'lumot markazlarining qurilishi allaqachon boshlangan. Kelajakda qurilish boshqa shtatlarda ham kengaytiriladi.

OpenAI rahbari Sem Altman "Stargate"ni "bizning davrimizning eng muhim loyihasi" deb atadi. SoftBankning bosh direktori Masayoshi Son loyiha ishga tushirilishini "Amerikaning oltin asrining boshlanishi" deb ta'rifladi.

«Agar siz g'olib bo'lmagan bo'lsangiz, biz bu qarorni qabul qilmagan bo'lardik», — dedi u Trampga. — «Bu biz hal qila olmaydigan ko'plab murakkab muammolarni hal qilishga yordam beradi».

Uchta kompaniya rahbari sun'iy intellekt sog'liqni saqlash sohasini sezilarli darajada yaxshilash imkoniyatiga ega ekanligini ta'kidladilar. Boshqa investorlar ham ushbu tashabbusga qo'shilishi kutilmoqda, ammo ularning ismlari hozircha oshkor qilinmagan.